काभ्रे ।नेकपा एमालेको भातृ संगठन युवा संघ काभ्रेका नेता सुजन जंग रायमाझीले आफ्नो जन्मदिनको अवसर पारेर धुलिखेल १२ शंखुमा रहेको मानव कल्याण समाजको सेवा घरमा असायहरुलाई खाना खुवाएर मनाएका छन् ।
रायमाझीले सेवा घरका लागि ११ हजार ५ सय ५५ रुपैया नगद सहयोग गरेका छन् । उनी युवा संघका खेलकुद विभागका प्रमुख तथा युवा संघका सचिवालय सदस्य पनि हुन । उनले यस अघि पनि विभिन्न सामाजिक कार्य गर्दै आएका छन् ।
मानव कल्याण समाजको सेवा घरमा बनेपा नगरपालिका उपप्रमुख विमला सापकोटाले सडकमा भएका मानवहरुलाई संरक्षण दिएर गरेको मानवकल्याणको योगदानलाई नगरपालिकाले कदर गरेको बताईन् । सेवा घरमा हाल ८५ जना सडक मानवहरु आश्रित छन् । 
