काभ्रे, नेपाल पत्रकार महासंघ काभ्रे शाखाले विभिन्न संघ संस्थाहरुको समन्वयमा जिल्लामा कृयाशिल पत्रकारहरु तथा महासघमा आवद्ध भएका सदस्यहरुको कोरोना संक्रमण सम्वन्धी विमाका लागि आवश्यक कागजात सहित विमा प्रिमियम सहित १ सय ३७ जनाको सूची युनाईटेड इन्स्युरेन्स कम्पनीमा बुझाएको छ ।
उक्त विमा हामीले कागजात बुझाएको १५ दिन पछि मात्रै लागु हुनेछ । विमाको सम्झौता कोरोना संक्रमण भएको पिसिआर परिक्षणको कागजात भए सँगै १ लाख रुपैया भुक्तानी हुनेछ । सरकारले सबै खालको उपचार र परिक्षण गर्ने भएकाले यो विमा बापतको रकम संक्रमण भए लगत्तै उपलब्ध हुनेछ । सकेसम्म कोहि साथीहरुलाई संक्रमण नहोस् । सुरक्षित रुपले पेशालाई निरन्तरता दिनु आवश्यक छ ।
यदि कथंमकथाचित महामारीमा जोगिन सकिएन र संक्रमण भई हालेमा उक्त रकम भुक्तानी हुनेछ । प्रति सदस्य ६ सयका दरले आवश्यक रकम महासंघले विमा कम्पनीलाई भुक्तानी गर्नेछ । समयमै पत्रकार साथिहरुले आवश्यक विवरण उपलब्ध गराईदिनु भएकोमा पत्रकार महासंघ काभ्रेका अध्यक्ष मोतीराम तिमल्सिनाले धन्यवाद दिनुभएको थियो।
